E dini se nëse organizoheni siç duhet, mund të pastroni çdo shtëpi për 4 orë?
Një arsye që pastrimi i shtëpive të të tjerëve është shumë më i lehtë sesa pastrimi i shtëpisë tuaj, është se nuk jeni e përfshirë në rrëmujë.
Ju mund ta pastroni shtëpinë tuaj po aq me efikasitet nëse nuk shpërqendroheni.
Metoda jonë me pesë hapa përfshin:
- Vendosja e orarit të pastrimit
- Pastrimi i banjove
- Pastrimi i tavaneve dhe mureve
- Pluhurimi
- Pastrimi i dyshemeve
Mësoni si të vendosni përparësitë
Punët shtëpiake si pastrimi intensiv i kuzhinës dhe rrobat, lihen ose programohen në një ditë të veçantë për tu marrë veç me to, në të kundërt do t’ju tërheqin vëmendjen dhe shpërqëndrojnë. Supozoj se ënët lahen sistematikisht çdo ditë. Nëse doni të jeni më shumë efikas, mund të përdorni edhe lavastoviljen. Ne ju sugjerojmë të nisni nga kuzhina duke filluar me plhurat, banakët dhe dyshemenë.
Pajisjet e pastrimit që do t’ju duhen
Nëse siguroheni të keni të gjitha mjetet dhe detergjentët e pastrimit, të mbledhura në një vend, do të fitoni shumë kohë. Është një ide e mirë të përdorni një kuti ose një kovë me një dorezë në mënyrë që të mund të mbani paisjet dhe detergjentët duke kaluar nga dhoma në dhomë.
Në kutinë tuaj të pastrimit duhet të keni:
Sfungjer (me një anë të butë)
Pëlhura mikrofibre
Peshqir letre
Pastrues banjo
Pastrues qelqi
Dorashka gome
Detergjent dyshemeje
Një këshillë e vogël për pecetat e pastrimit
Pëlhura mikrofibër janë shumë të popullarizuara, dhe ato janë të shkëlqyera për disa punë. Ato janë mirë për pluhurosjen e thatë, pastrimin e punimeve të drurit dhe shkëlqimin përfundimtar. Sidoqoftë, ato nuk janë shumë përthithëse. Shumicën e kohës do të duhet t’i përdorni ose të thata ose pak të lagura. Nuk janë të mira për tharjen e enëve, por janë të shkëlqyera për fërkimin e njollave të ujit.
Peshqirët e letrës janë të mirë për rrëmujat e mëdha ose të yndyrshme që do të ndotin sfungjerin ose leckën tuaj mikrofibër. Në pjesën e sipërme të sobës mund të përdorni një peshqir letre për pastrimin fillestar dhe më pas të kaloni te një sfungjer ose leckë.
Mjete të tjera të nevojshme
Pastrues me doreza te gjata
Pastrues fshesë me korrent
Fshirje pluhuri
Leckë e lagur
Si të pastroni shpejtë dhe mirë shtëpinë tuaj?
Nëse shtëpia nuk është mbajtur sistematikisht, me siguri do të gjeni shumë plhur nëpër cepa.
Ndiqni hapat e profesionistëve të pastrimit për të arritur rezultate të mira me pastrimin, si më poshtë :
Hapi 1: Përcaktoni një rutinë pastrimi
Çelësi për të mbajtur shtëpinë tuaj të pastër është organizimi dhe qëndrueshmëria. Nëse i përmbaheni një programi pastrimi dhe bëni pastrimin e të gjithë shtëpisë çdo javë, me siguri do të zbuloni se do t’ju duhet më pak kohë për të bërë pastrimin gjeneral. Atëherë mund të arrini ato punët e tjera që nuk keni nevojë ti bëni çdo javë. Disa nga këto detyra mund të përfshijnë pastrimin:
pjesa e brendshme e frigoriferit
soba / furra brenda dhe jashtë
dollapët e kuzhinës
pajisjet e dritave
raftet e librave
pas dhe nën mobilje të rënda
Hapi 2: Filloni pastrimin e banjës
Gjëja e parë që duhet bërë është të fillohet me pastrimin e banjës. Hiqni gjithçka nga vaskat dhe dushet dhe spërkatini ato me pastruesin e banjës që preferoni dhe lërini të thithin detergjentin për pak minuta. Bëni të njëjtën gjë me hidrosanitaret. Pastaj fërkojini mirë me sfungjer. Lërini sërish për pak minuta. Kjo është një kohë e mirë për të pastruar koshin e mbeturinave. Në fund shpëlajini të gjitha orenditë dhe paisjet me ujë të bollshëm.
Hapi 3: Ndërroni çarçafët, shkundni dyshekun
Mblidhni çarçafët dhe jastëkët e pastër që do t’ju duhen për të gjitha dhomat e gjumit. Shkoni në secilën dhomë, ndërroni çarçafët dhe shkundni dyshekët. Mblidhni të gjitha çarçafët e ndotur dhe futini menjëherë në lavatriçe. Sistemoni një herë shtratët pastaj filloni me pastrimin e tavaneve nga merimangat dhe dyshemenë në fund.
Hapi 4: Pastroni tavanet dhe muret nga lart në fund
Zakonisht tavanëve dhe mureve ju kushtohet pak vëmendje edhe gjatë pastrimit me themel. Kjo sepse nxitohet gjithmonë të realizohet shumëçka tjetër me pastrimin. Por hera – herës, duhet të përvishni mëngët dhe të veproni me pastrimin e mirë të plhurave, merimangave, abazhurëve dhe dekoracioneve të tavanit ( nëse ka ). Pra nuk mjafton vetëm shtupa për merimangat por duhet edhe një pecetë e mirë mikrofibër që do t’ju ndihmojë të shkundni plhurat.
Hapi 5 : Dritaret dhe dyshemenë lëre për në fund
Në këtë pikë, do të thotë që pothuajse ke përfunduar, edhe pse dirtaret nëse dëshrion t’i lash mirë, duan pak kohë. Merrni shportën me detergjentët dhe pecetat mikrofibër, edhe një enë me ujë për dorën e parë dhe jepini dorën e parë me ujë të bollshëm duke pastruar çdo cep dhe kënd, përfshi edhe grilat! Sigurisht që në fund fare, ju ngelet të kaloni një shtupë të mirë në të gjithë sipërfaqen e shtëpisë, duke lëzivur orenditë dhe mobiliet në mënyrë që pastrimit të quhet realisht me themel dhe shtëpia totalisht e pastër.
