Në cilëdo kohë ose moment të pyesni një prind çfarëdo se çfarë dëshiron më shumë në jetë, përgjigja e tij / saj , do të jetë gjithmonë e njëjtë! Të rrisin fëmijë të lumtur! Mirëqënia e fëmijëve është më e rëndëisshmja për tu arritur se çdo gjë tjetër, kur fjala vjen tek prindërimi. Më shumë se 2/3 e të rriturve në rang botëror thonë se janë ‘jashtështëzakonisht të shqetësuar’ për mirëqënien e fëmijëve të tyre dhe ky shqetësim përfshinë gjininë, mundësitë financiare, moshën dhe mbi të gjitha lumturinë.
Gjithashtu pikësynimi prindërve, në kohët moderne është edhe rritja dhe stimulimi inteligjencës së tyre, në mënyrë që të kthehen në adult të suksesshëm në të ardhmen. E gjithsesi midis suksesit dhe lumturisë, prindërit zgjedhin të vendosin gjithmonë në plan të parë lumturinë, për fëmijët e tyre. Kjo pasi edhe studimet shkencore kanë mbërritur në rezultate se fëmijët që rriten të lumtur, kanë probabilitet të lartë që të shndërrohen në të rritur të sukessesshëm.
Sipas shkencës, cilat janë hapat që prindërit duhet të ndjekin për të krijuar lumturinë?
Janë 10 dhe meritojnë të gjitha vëmendje të veçantë.
- Prindërit duhet të jenë fillimisht, vetë të lumtur
Tingëllon disi egoiste, por shkenca thotë se kjo është një gjëndje e vëretë. Disa kërkime shkencore kanë arritur në përfundimin se nënat që janë ose ndihen në depresion, krijojnë atmosferë negative tek fëmijët e tyre me ose pa vetëdije. Depresioni prindëror në të vërtetë shkakton probleme të sjelljes tek fëmijët dhe e kthen prindërimin në ndikim negative. Dhe kjo gjëndje nuk ka lidhje me gjenetikën.
Cili është hapi i parë për të qenë prind i lumtur? Krijoni pak kohë çdo javë, për të kaluar kohë të bukur dhe gjithë argëtim me fëmijët tuaj. Mund të jeni vetëm ju dhe fëmijët në një udhëtim së bashku në fundjavë ose mund të shoqëroheni me njerëz të gëzuar, të cilët fëmijët tuaj gjithashtu ju pëlqen të kalojnë kohë dhe të luani dhe qeshni së bashku. E qeshura është ngjitëse, prandaj rrethohuni me njerëz që zakonisht janë të qeshur dhe pozitiv.
- Mësojini fëmijëve të krijojnë dhe ruajnë marrdhëniet e shëndetshme
Askush nuk e mohon që të mësuarit rreth krijimit dhe ruajtjes së marrëdhënieve është e rëndësishme – por sa prindër shpenzojnë kohë për t’i mësuar fëmijët se si të lidhen me të tjerët?
Në të vërtetë, nuk duhet shumë. Mund të fillojë me inkurajimin e fëmijëve për të kryer veprime të vogla mirësie për të krijuar ndjeshmëri. Si përshembull të mësojmë të ndajmë lodrat me fëmijët e tjerë. Kërkimet shkencore tregojnë se kjo teknikë e thjeshtë, i bën fëmijët tuaj jo vetëm njerëz më të mirë dhe bujar, por gjithashtu me kalimin e kohës, i bën edhe të lumtur. Veçanërisht kur fillojnë të kuptojnë se duke ndarë lodrat së bashku me të tjerët, mund të kënaqen akoma më shumë në lojë.
- Vlerësoni përpjekjen dhe mos prisni përsosmërinë
Prindërit që vënë në fokur constant objektivat dhe kanë pritshmëri të larta për fëmijët e tyre, sipas studimeve, krijonë tek fëmijët, nivele të larta ankthi, depresioni dhe rrjedhimisht i bëjnë të rriten me një ndjenjë konstante pasigurie. Prandaj është e rëndësishme që prindërit të arrijnë të gjejnë një balancë të mirë midis dëshirave që kanë për fëmijët e tyre, duke nisur më parë nga njohja e fëmijës. Është fëmija yt por gjithashtu një individ tërësisht më vete, me natyrën dhe karakterin e tij / saj. Paralelisht me të gjitha rregullat, disiplinën dhe sjelljen që krijoni në marrdhënie me fëmijët tuaj, hera – herës ju duhet të jeni falenderues karshi tyre duke i përgëzuar edhe për arritje të vogla. Vlerësoni përpjekjen e fëmijës tuaj për të përmbushur pritshmëritë që ata kuptojnë dhe ndjejnë se mund t’i bëjnë ose arrijnë në cilëndo moshë.
- Mësojini të jenë optimist
Dëshironi të shmangni marrëdhëniet e tensionuara me një adoleshen rebel? Atëherë mësojini ata shumë më përpara të shohin anën e mirë të gjërave ose ndodhive.
Fëmijët dhjetë vjeç të cilët mësohen të mendojnë dhe interpretojnë botën me optimizëm janë më pak të prirur të përjetojnë depresion gjatë pubertetit. Shkencëtarët thonë se optimizmi është aq ngushtë i lidhur me lumturinë sa që të dy këto gjëndje emocionale, mund të quhen e njëjta gjë.
Fëmijët që mësohen që herët të jenë optimist, sipas studimeve arrijnë të jenë më të suksesshëm në shkollë, punë dhe aktivitete sportive. Gjithashtu ata shndërrohen në të rritur më të shëndetshëm fizikisht dhe jetojnë më gjatë. Për më tepër, fëmijët që rriten me optimizëm, kanë tendencë të krijojnë një martesë të lumtur kur të rriten dhe probabiliteti për tu prekur nga depresioni ose ankthi si adult, është më i ulët.
Si bëhet? Përshembull nqs fëmija juaj derdh gotën me lëngë portokalli në divanin e ri, mos ulërisni sikur të ishte fundit i botë. Por përfshijeni edhe fëmijën tuaj në pastrimin e menjëhershëm të objektit. Gjatë procesit të pastrimit, sigurohuni t’i ulni ndjenjën e fajita duke i përsëritur që herës tjetër do të jetë më i / e kujdesshme.
- Mësojini inteligjencën emocionale
Inteligjenca emocionale është një aftësi, jo një tipar i lindur. Prindërit që mendojnë se fëmijët thjesht dhe natyrshëm do të kuptojnë emocionet e tyre, nuk poi ndihmojnë të rriten të lumtur ose të kenë prirje për sukses në të ardhmen. Një strategji e mirë në këtë pikë është “Ndjeshmëria, Etiketimi dhe Vleresimi” kur ata po luftojnë me zemërimin ose zhgënjimin.
E rëndësishme në këtë pikë është që në momentin kur fëmijët tuaj po përjetojnë një situatë zemërimi, si përshembull në rastet kur duan të bëjnë diçka me patjetër edhe pse e dinë që nuk duhet kryer, mos ta shmangni bisedën ose të tregoheni indifferent. Por të krijoni dialog me fëmijën, duke ja prezantuar emocionin që po përjeton dhe duke ja argumentuar arsyen përse psh nuk mund të dal të luaj jashtë në oborr në një ditë të ftohtë dhe me shi. Pa premtuar diçka tjetër në këmbim nëse ai / ajo ndalon së qëni i zemëruar. Lëreni fëmijën ta përjetojnë këtë ndjesi por përpiquni t’ja shpjegoni motivin përse ju po e pengoni të bëj diçka që ai / ajo do patejtër ta kryej në atë çast të caktuar.
- Krijoni ritualet ose zakone të gëzueshme
Si i ndihmoni fëmijët të ndërtojnë zakone lumturie të qëndrueshme? Shkencëtarët shpjegojnë se ky proces është afatgjatë dhe kërkon shumë durim. Por këto zakone mund të jenë tërësisht të personalizuara. Përshembull ju mund të krijoni një ritual që e kryeni minamilisht 1 herë në muaj, si përshembull të realizoni një piknik, të festoni gjithmonë ditëlindjet në shtëpi me dekore dhe ëmbëlsira të përgatitura vetë e deri tek më klasiket siç është përshembull leximi përrallave përpara gjumit. Gjithçka që përfshinë prindërit dhe fëmijët në kohë të kaluar bukur së bashku, mund të përsëritet në vazhdimësi, derisa të shndërrohet në një zakon të gëzueshëm dhe të bukur për të gjithë.
- Mësojini vetë – disiplinën
Vetë-disiplina te fëmijët është një faktor me rëndësi të lartë, madje më e rëndësishme se të qënit inteligjent, për ti ndihmuar që të shndërrohen në të rritur të suksesshëm në të ardhmen. Mësojini fëmijëve t’i rezistojnë tundimit ose minimalisht të jenë të durueshëm.
Cila është mënyra më e mirë për të mësuar vetë – disiplinën tek fëmijët?
Një mënyrë për të ndihmuar është të zvogëloni tundimin. Kur ofroni një shpërblim për një përfshirje të caktuar në lojë, në një punë etj, 75 % e fëmijëve të përfshirë në një studim ishin në gjëndje të prisnin plotë 15 minuta për ta kërkuar shpërblimin nëse nuk e kishte para syve. Përshembull, nëse bëhesh i trim kur të bëjmë vaksinën do të të jap karamele, mirëpo karamelen e mban përpara syve të fëmijës, tundimi është shumë i fortë. Prandaj e mira është t’ja tregoni karamelen, ta fusni në çantën tuaj dhe t’i thoni fëmijës që sapo të mbaroj me vaksinën do ta marr karamelen. Në këtë mënyrë, fëmija do të ndjehet i motivuar për ta kryer vaksinën dhe njëherësh të bëhet i duruar për të marr shpërblimin e tij / saj. E njëjta gje vlen edhe për fëmijët e vegjël. Përpara se t’i ofroni diçka që e pëlqen, bëjeni të pres duke numëruar deri në 15 sekonda….Kështu stërvisim durimin dhe vetë disiplinimin.
- Shtoni më shumë orët e lojës
Shumica e fëmijëve tashmë praktikojnë vetëdijen – duke shijuar plotësisht momentin aktual , veçanërisht kur ata luajnë. Por fëmijët sot kalojnë më pak kohë duke luajtur brenda dhe jashtë shtëpisë. Gjatë dy dekadave të fundit, fëmijët kanë humbur 8 orë në javë lojë në ambiente të jashtme dhe spontane. Koha e lojës është e rëndësishme pasi i ndihmon fëmijët të mësojnë.
Studiuesit besojnë se kjo rënie dramatike në lojën e pastrukturuar është pjesërisht përgjegjëse për ngadalësimin e zhvillimit njohës dhe emocional të fëmijëve. Përveç ndihmës për fëmijët në procesin e të mësuarit, loja ndikon pozitivisht në rritjen e intelektit, të qënit social dhe mirëqënien emocionale. Lojërat i ndihmojnë fëmijët të mësojnë se si të punojnë në grupe, të ndajnë, të negociojnë, të zgjidhin konfliktet, të rregullojnë emocionet dhe sjelljen e tyre dhe të flasin vetë.
Prandaj prindërit duhet të bëjnë të pamundurën të krijojnë kohë dhe të stimulojnë orët e lojës në natyrë dhe që përfshijnë aktivitet fizik për fëmijët.
- Stimuloni mjedisin e tyre për më shumë lumturi
Cila është një mënyrë e thjeshtë për të kontrolluar më mirë mjedisin e një fëmije dhe për të bërë përpjekjet tuaja të vlefshme për të sjell lumturi?
Më pak TV. Dhe padyshim më pak kohë në internet ose lojëra online për fëmijët tuaj, të cilësdo moshe! Sociologët tregojnë se njerëzit më të lumtur kanë tendencë të shikojnë shumë më pak televizion sesa njerëzit e palumtur. Ne nuk e dimë nëse TV i bën njerëzit të palumtur apo nëse njerëzit tashmë të pakënaqur shikojnë më shumë TV. Por e dimë që ka shumë aktivitete që do të ndihmojnë fëmijët tanë të zhvillohen në individë të lumtur. Nëse fëmijët tanë po shikojnë TV, ata nuk janë duke bërë ato gjëra që mund t’i bëjnë ata më të lumtur në planin afatgjatë.
- Darkoni të gjithë bashkë, si familje
Ndonjëherë gjithçka që bën shkenca është të vërtetojë ato gjëra që gjyshërit tanë i dinin gjatë gjithë kohës. Po, të mbledhurit rreth tryezës të gjithë së bashku për darkë, ka shumë rëndësi.
Kjo traditë e thjeshtë ndihmon në formimin e fëmijëve më të mirë dhe i bën ata edhe më të lumtur.
Studimet tregojnë se fëmijët që hanë darkë me familjet e tyre rregullisht janë më të qëndrueshëm emocionalisht dhe kanë më pak gjasa të abuzojnë me drogën dhe alkoolin. Ata marrin nota më të mira dhe kanë më pak simptoma depresive, veçanërisht tek vajzat adoleshente. Dhe ka më pak të ngjarë të bëhen obezë ose të kenë një çrregullim të ngrënies. Darkat familjare madje ndikojnë fëmijët tuaj në drejtimin e përgatitjes për shkollë
