Si pastron bota?

Keni menduar ndonjihere si pastron bota? Në një sondazh online përfaqësues të kryer për Kärcher nga Research Noë, njerëzit në Brazil, Kinë, Gjermani, Francë, Britani të Madhe, Japoni, Poloni dhe SHBA u pyetën për zakonet e tyre të pastrimit. Studimi dha disa rezultate interesante dhe surprizuese në lidhje me zakonet dhe rëndësinë e pastrimit në vende të ndryshme të botës. Si pastron bota?

11 fakte interesant rreth pastrimit nga e gjithë bota:

1) Pastërtia është e rëndësishme për të gjithë
Mesatarisht 94 % e të anketuarve në të gjitha vendet thanë se një shtëpi e pastër është e rëndësishme ose shumë e rëndësishme për ta. Në krye të kësaj liste, si më të fiksuarit pas pastërtisë janë janë brazilianët: 99 % e tyre mendojnë se pastrimi është jetik.

2) Rusët shpenzojnë më shumë kohë për të pastruar
Koha mesatare e shpenzuar për pastrim çdo javë në vendet e anketuara është dy orë e dhjetë minuta. Shumë afër kësaj mesatareje janë Gjermania (2.17 orë), Kina (2.19 orë) dhe Britania e Madhe (2.15 orë). Por janë rusët ata që kalojnë më shumë kohë duke pastruar brenda katër mureve të shtëpisë së tyre çdo javë: 3.05 orë mesatarisht.

3) Brazilianët përdorin më shumë kimikate për pastrim
Në të gjithë botën, 1 në 5 persona përdorin detergjentë kimik pastrimi. Brazilianët janë pak mbi këtë mesatare, duke i vendosur ata në epërsi në përdorimin e kimikateve. Të pyetur nëse ata shikojnë përbërjen dhe përbërësit kur zgjedhin një produkt, 29 % e brazilianëve thanë se preferojnë detergjentë të fortë kimikë siç është klori. Vetëm 19 % e brailianëve blejnë vetëm produkte miqësore me mjedisin.

4) Kina e ka pastrimin e kuzhinës punë të përditshme
36 % e të anketuarve kinezë mendojnë se kuzhina është pjesa më e vështirë e shtëpisë për tu pastruar. Në grupmoshën 55 – 65 vjeç, pothuajse 1në 2 persona ose thënë ndryshe 45 % e kinezëvë janë të bindur se tëk kuzhina qëndron vështirësia më e madhe në pastrimin e shtëpisë.

5) Francezët pëlqejnë të pastrojnë duke dëgjuar muzikë
Në Francë, njerëzit preferojnë të pastrojnë shtëpinë e tyre duke dëgjuar muzikë në sfond: 90 % e të anketuarve kështu e pastrojnë shtëpinë, duke dëgjuar muzikë. 41 % e të rinjve 18-24 vjeç thanë se ata gjithmonë dëgjojnë muzikë kur pastrojnë dhe se ata këndojnë me zë të lartë ose kërcejnë së bashku me të. Vetëm 10% e të anketuarve francezë mendojnë se muzika, sado e mirë, nuk ndihmon shumë me pastrimin.

6) Edhe në Gjermani, muzika e bën pastrimin më argëtues
Të anketuarve gjermanë gjithashtu u pëlqen të pastrojnë me muzikë: 70 % thanë se dëgjonin muzikë ndërsa pastronin. Sidoqoftë 24 % nuk duan të shpërqendrohen dhe preferojnë të merren plotësisht në pastrimin e tyre.

7) Në SHBA gjatë pastrimit të shtëpisë, flasin me veten
Në SHBA, të anketuarve gjithashtu u pëlqen ta bëjnë pastrimin një detyrë më të këndshme duke bërë diçka tjetër në të njëjtën kohë. Ata gjithashtu pëlqejnë të dëgjojnë muzikë (58 %) dhe 27 % e të anketuarve pranojnë se këndojnë ndërsa pastrojnë. Ajo që është interesante është se pak më shumë ¼ e amerikanëve thonë se flasin me vete ndërsa pastrojnë.

8) Japonezët i duan pajisjet elektrike për pastrim
Në Japoninë e dashuruar nga teknologjia, 33 % e të anketuarve tashmë po mendojnë të blejnë një pajisje të re pastrimi. Nuk është ndonjë çudi! Pajisjet elektrike vlerësohen shumë në Japoni dhe 82 % e të anketuarve përdorin mjete praktike për pastrim. Kjo është vetëm një përqind më pak se pastruesit kryesorë të Gjermanisë, duke e vendosur vendin shumë më lart se mesatarja ndërkombëtare (74 %).

9) Polonia pëlqen të përdor mjete pastrimi me avull
Nëse do të duhej të zgjidhnin vetëm një pajisje, 47 % e të anketuarve do të zgjidhnin pastruesin me avull të gjithanshëm. Të anketuarat femra në veçanti vlerësojnë shumë pajisje të tilla (56 %).

10) Në Rusi, miqtë për vizitë në shtëpi, janë një arsye e mirë për të mos e marr pastrimin me dembelizëm
Të anketuarit në Rusi kalojnë shumicën e kohës duke pastruar kur prindërit e tyre pritet ti vizitojnë në shtëpi (34%). 18 % thonë se do të kalonin më shumë kohë duke pastruar nëse do të dinin se prisnin miq. 18-24 vjeçarët vlerësojnë një përshtypje të parë të mirë për një ambient banimi të pastër. Por vetëm 10% e kësaj grupmoshe do të kalonin më shumë kohë në pastrim nëse do të ftonin dhe prisnin miq për vizitë në shtëpi.

11) Në Britaninë e Madhe, makina është mbret
1/3 e burrave në Britaninë e Madhe janë më të përkushtuar ndaj makinës së tyre se çdo gjë tjetër: 31% e të anketuarve thanë se lajnë pjesën e jashtme të makinës së tyre një herë në javë. Dhe 8% e britanikëve thonë se lajnë makinën e tyre çdo ditë. Për të siguruar që ata mund të shohin siç duhet, 12 % janë të lumtur të lajnë xhamat dhe dritaret emakinës së tyre çdo ditë.