Nëse jeni person shumë i dedikuar në aspektin profesional, është e sigurtë që shpenzoni më shumë se 40 orë në zyrë. Koha ka sjell që për shumicën prej nesh, zyra të jetë një si tip shtëpie e dytë. Prandaj nuk ka asnjë çudi nëse të ndodh ta gjesh veten, në fund të një jave të ngarkuar me punë, duke gërmuar nëpër shkresurina për celularin, çelësat e shtëpisë dhe aksesorë të tjerë vetjak. Pastërtia në një ambient pune, qëndron përtej asaj çka mund të kap syri. Për më tepër, një zyrë e pastër ju ofron më shumë qetësi dhe përqëndrim, pa renditur ende të gjitha benefitet e tjera që sjell higjena për shëndetin. Por sa kohë mund t’ju mbetet për të realizuar siç duhet pastrimin në ambientin tuaj të punës?
Nëse arrini të organizoni dhe programoni mirëfill shërbimin e pastrimit në zyrë, do t’i krijoni vetes mundësinë për tu fokusuar realisht në profilin e punës tuaj me efikasitet. Ky lloj shërbimi, që shpesh herë rezulton i besdisshëm mund të ofrohet fare thjesht edhe nëpërmjet agjencive të profilizuara si Ndihma +, por nëse dëshironi që brenda zyrës tuaj, gjithçka ta mbani vetë nën kontroll, duhet të ndiqni disa udhëzime pastrimi praktike :
- Qëndroni të organizuar
Letrat e shpërndara dhe shpërdoruara gjithandej nëpër tryezën e punës, thjesht do t’ju shpërqëndrojnë më tepër, duke ulur ndjeshëm produktivietin. Jo vetëm për nga rrëmuja vizuale që krijojnë por do t’ju marrin edhe kohë të çmuar për t’i kategorizuar si të vlefshme ose jo. Kështuqë mos u ngatërroni akoma më shumë me letra të përmasave dhe ngjyrave të ndryshme, që shpesh përdoren për të kujtuar diçka, thjesht kini parasysh :
- kategorizojini sipas rëndësisë në dosje specifike si psh për klientët, për produktet, për shërbimet që ofroni, për partnerët, për faturat etj. Sigurohuni t’i kategorizoni siç duhet dhe përpiquni ta shndërroni në disiplinë, duke vendosur edhe një farë rregulli vetjak. Kështu, në vend të gërmoni në tryezë për kontratën e para një muaji me x klient, do ta keni më të thjeshtë të merrni dosjen e klientëve
- mbajini dosjet sa më pranë tryezeës së punës, në rafte ose komodina praktike, aq sa do t’ju duhet thjesht të zgjasni krahun. Gjithashtu objektet kancelarike që mbahen mbi tryezën e punës, mund t’ju rezultojnë shumë efikase për të pasur përpara syve dokumentet më me rëndësi të çastit.
- në mënyrë që të krijoni hapësirë, duhet t’i kushtoni rëndësi edhe arkivimit të dokumentacionit të vjetër. Përcaktoni një vend të caktuar në zyrë dhe një ritual periodik, që do t’ju ndihmojë të arkivoni dokumentacionin e vjetër.
Thënë më thjeshtë, ju duhet pak kohë për të gjetur një vend të caktuar për të gjithë elementët e punës në zyrë. Për më tepër si fillim duhet të merreni edhe me organizimin dhe kategorizimin e tyre, në mënyrë që t’i gjeni lehtësisht. Duhet të kini parasysh se me kalimin e kohës dhe zhvillimin e punës, do t’ju duhet të shtoni shpesh artikuj dhe dokumentacion të ri në vendin tuaj të punës. Në këtë rast, natyrshëm do të kuptoni që keni nevojë për më shumë hapsirë. Duhet të merrni në konsideratë faktin se në momente të caktuara duhet të hiqni nga zyra dokumente, paisje ose mobilje që nuk janë më funksionale apo me rëndësi në profilin e punës tuaj. Të njëjtat këshilla duhet të keni parasysh edhe për aksesorët si stilolapsat, makina llogaritëse, vizoret, kalenendarët etj. Organizojini, arkivojini dhe hiqini qafe kur nuk janë më funksional, mos mbushni sirtarët plot me stilolapsa që nuk shkruaj!
- Dezinfektoni tualetin
Ky proces është jetik dhe jo thjesht nevojë. Lidhet në mënyrë të drejtëpërdrejtë me shëndetin tuaj dhe klientelës, nëse zyra juaj ka profil pune me frekuentim të lartë. Sidoqoftë, tualetet janë ambiente që frekuentohen shumë shpesh edhe në zyra të vogla me 5 persona, prandaj duhet të dezinfektohen çdo ditë. Zakonisht ky proces kryhet nga një sanitare, por nëse ju keni një zyrë të vogël dhe dëshironi të qëndroni brenda buxhetit tuaj, për pastrimin dhe dezinfektimin e tualetit duhet të ndiqni këto këshilla :
- me një detergjent të posaçëm dezinektues dhe furcë lani tualetin në brendësi
- kontenieri ujit gjithashu duhet të marr detergjent dezinfektues
- mos harroni lavamanin, duhet të pastrohet dhe dezinfekohet mirë
- furnizoni tualetin me letër higjenike dhe duarsh, sapune të lëngshëm dhe mundësisht edhe detergjent dezinfektant për duar.
Nëse tualeti në zyrën tuaj nuk pastrohet dhe dezinfektohet çdo ditë, mund të shndërrohet në burim infeksionesh dhe sëmundjesh
- Pastroni paisjet elektronike
Pasijet eleketronike janë elementët më me shumicë në ambiente pune. Meqë kanë përdorim të gjërë dhe thuajse nga çdo person i stafit, janë thuajse mjetet më të ndotura në zyrën tuaj. Paisjet elektronike thithin plhurë dhe për shkak të nxehtësisë që lëshojnë, tërheqin mikrobe dhe baktere, kjo edhe për shkak të faktit që njerëzit i kanë për shumë gjatë duart nëpër to. Në mënyrë që t’i mbani pastër sa më shumë dhe sa më mirë të jetë e mundur, ndiqni këto udhëzime :
- pastroni ekranet e kompjuterave lehtë me një copë të butë, mundësisht microfibër
- me një shtupë plhurash pastroni tasiterën, pasi ta keni shkundur fillimisht me duar
- tasitera mund dhe duhet të pastrohet edhe me copë të butë, nëse nuk pastrohet çdo ditë si më lartë
- në rastet kur tastiera është shumë pisë mund të përdoren në pastrim edhe detergjent të posaçëm me element alkooli në përbërje
- sipërfaqet e printerit, tryezë, telefonit shpesh anashkalohen, por e mira është t’ju kalohet një copë e butë për të hequr plhurat
- mos harroni karriget dhe plotronat që mund të keni në zyrë, edhe këto paisje kanë nevojë për t’ju kaluar copën e plhurave hera – herës.
- Pastroni ambientin ku konsumohet ushqim / kuzhinë
Përgatitja e ushqimeve në një ambient të caktuar në ambientin tuaj të punës, është një arsye e fortë, për ta mbajtur gjithmonë sa më pastër të jetë e mundur. Pastrimi kuzhinës ose pjesës ku konsumohet ushqimi është jetik dhe jashtëzakonisht i domosdoshëm të realizohet çdo ditë. Disa këshilla për të pastruar mirë dhe shpejtë janë :
- mbani në rregull frigoriferin
- pastrojeni frigoriferin minimumi 1 herë në muaj me themel
- pak përpara përfundimit të orarit të punës, duhet të siguroheni se keni shplarë mirë me detergjent dhe ujë të rrjedhshëm lavamani dhe enët e kuzhinës
- nëse keni mikorval ose tost në përdorim në zyrë, mos harroni t’i pastroni mirë, të paktën 1 herë në javë
- Largoni gjithmonë mbeturinat, gjithkund
Zbrazni koshat e mbeturinave kudo nëpër zyrë, çdo ditë dhe mundësisht ndërroni edhe qeset e mbeturinave, edhe nëse janë thjesht të mbushura vetëm me letër. As mos e kaloni nëpër mend të lini për më gjatë në ambientin tuaj të zyrës asnjë lloj koshi pa pastruar. Duke ndjekur këtë ritual të thjeshtë por të nevojshëm pastrimi, ju shmangni infeksionet, bakteret dhe mikrobet që përveçse janë të rrezikshme për shëndetin tuaj, do t’jua mbushin zyrën me aromë të pakëndëshme.
Si përfundim, gjithçka më sipër mund t’i përmbledhim në :
- kur pastroni dyshemenë, tregoni vëmendje të lajmëronin të tjerët në lëvizje per siguri, në mënyrë që të mos rrëshkasin
- kujtoni çdo pjestar ose personel në zyrë se pastrimi është një ritual që do të kryhet çdo ditë dhe gjithëkush do të përfshihet
- nëse nuk dëshironi të humbisni kohë, për dekorime në vend të luleve natyrale ( që kërkojnë mirambajte ) përdorni lule artificale
- pastroni dyshemenë dhe plhurat në sipërfaqe çdo ditë
- kushtojini vëmendje tualetit
- pastroni me patjetër paisjet elektronike edhe pse mund të duket se nuk kanë nevojë
- kuzhina duhet të jetë gjithmonë jo thjeshtë e larë, por e mirë desinfektuar me detergjent të posaçëm
- mbani mbi tryezën tuaj të punës letra duarsh ose detergjentë dezinfektues
Pastrimi ambientit tuaj të punës mund të tingëlloj bezdie më vete, por është jashtëzakonisht i rëndësishem. Keni dy alternativa për të menaxhuar këtë situatë. Së pari, të organizoheni dhe ndani detyrat nëse në zyrë jeni më shumë se 1 person; të programoni shërbimet e pastrimit sipas një kalendari të caktuar, ku secili ka detyrat e tij për pastrimin dhe të përvishni mëngët, pak përpara se të mbyllni turnin e punës. Së dyti, nëse realisht përtoni ose e keni vërtetë besdi t’i dedikoni kaq mund dhe kohë pastrimit në zyrën tuaj, Ndihma + do t’ju gjendet në krahë për t’ju lehtësuar jetën! Ju thjesht na bëni me dije, për të tjerat mendojnë profesionistët e pastrimit në Ndihma +