Mendoni se janë gjëra të thjeshta dhe logjike, që s’ka shanse të ketë njeri të mos i dijë! E vërtetë! Jeta të mëson shumë rrugës, pavarsisht arsimimit dhe kulturës. Por ashtu siç të mëson është edhe një sfidë më vete që në të përditshme mbush secilin nga ne me ngarkesë të madhe. Prandaj duhet të tregohemi vigjilent dhe të mbajmë gjithmonë parasysh disa zakone të mira, kur vjen fjala tek gjërat më të rëndësishme në jetë : familja dhe shtëpia!
Disa zakone të mira të përgjithshme janë :
- Evito derdhjen e ujit që zien duke i hedhur pak vaj / gjalp gatimit brenda
- Mos fut në lavastovilje lugë, pirunë, thika me doreza druri
- Kur tenxherka është e djegur, mbuloje fundin me sodë buke dhe lëre për disa orë, pastaj laje
- Për të hequr erën e keqe në frigorifer, vendos një kuti të hapur me sodë buke dhe pastroje me uthull dhe lëng limoni, të tretura paraprakisht në ujë
- Bëj zakon kur je në shtëpi të mbyllësh gjithmonë derën me çelës
- Sa hyn në shtëpi hiq këpucët dhe vish pantofla
- Mbyll mirë dyer, dritare, rubineta, priza përpara se të largohesh nga shtëpia për disa ditë ose më gjatë
- Kurrë mos shkund tapete, mbulesa tavoline mbi rrugë ose dritaret e të tjerëve
- Kujdes kur ujit lulet në ballkon, të mos rrjedh uji poshtë
- Poziciono vazot e luleve në mënyrën më të sigurtë të mundshme
- Kujtohu për ajrimin e shtëpisë çdo ditë, në çdo stinë
- Vër një peshqir të lagur në kalorifer, nëse ndjen se ajri është i thatë
- Derdh mbeturinat në vendin ne caktuar çdo ditë
- Që të kesh marrëdhënëie të mira me komshinjtë duhet të : jesh tolerant, mos bëj zhurmë në ambientet e përbashkëta, kujdes me volumin në komunikim, në raste festash / punimesh lajmëroi paraprakisht duke u kërkuar edhe ndjesë për shqetësimin.
Siguria në shtëpi
- Vër ndër tapetë një copë që të mos rrëshqasësh, veçanërisht nëse në familje keni fëmijë të vegjël ose të moshuar
- Mbyll dyert e dollapeve pas përdorimit që të mos përplasesh me to, siguroi me aksesorë të tjerë sigurie nëse keni fëmijë të sapo ngritur në këmbë
- Kontrollo furnelat që të jenë mbyllur mirë gazi ose korrenti elektrik pasi ke mbaruar punë me to
- Mos lër hekur në prizë ( hekuri, harrohet shpesh )
- Mos afro telin e korentit tek hekuri nxehtë
- Kur vendos një llampë ose pastron një abazhurë, stako korentin
- Përpara se të pastrosh elektro – shtëpiaket, hiqi nga priza
- Hiq prizat kur ka furtunë, vetëtima ose kur të zotët e shtëpisë largohen për pushime
- Mos e mbështet TV – në direkt në mobilie, është mirë që objekti të ajroset nga poshtë
- Mos mbulo llampat kur kanë elektricitet me gazetë ose rrobë
- Mos vër llampa pranë materialeve që digjen shpejt si perde, letër, dru
- Mos përdor prize ose spina me këmbë të lagura ose në ambiente me lagështi
- Mos hekuros me duar të lagura ose këmbë të zbathura
Zonjat e shtëpisë i kanë jashtëzakonisht të qarta të tilla veprime kujdesi, mirëmbajtjeje dhe sigurie në ambientet e banimi. Por meqë jemi në kohë moderne, zotërinjtë gjithashtu, duhet të kenë parasysh dhe të përvetësojnë zakonet e mira të funksionimit të shëndetshëm të jetesës në shtëpi dhe familje.
Burimi : “Manua Per Sherbimet ne Familje” – Sevim Arbana
