Roli i kujdestares së fëmijëve në familje

Roli i kujdestares së fëmijëve në shoqërinë tonë po bëhet gjithmonë e më i rëndësishëm dhe i kërkuar. Kemi një numër në rritje të familjeve që preferojnë kujdesin e kujdestares si zgjidhje për të mbuluar mungesën e prindërve për arsye pune apo një tjetër. Por shpesh herë ajo që vihet në diskutim është e ardhmja e këtyre fëmijëve, zhvillimi i personalitetit të tyre dhe mundësia që kujdestarja bëhet një figurë ”zëvendësuese”e nënës.

Figura e kujdestares së fëmijëve mund të ketë efekte pozitive pasi fut në botën e fëmijëve një takim të “afërt” me një person të ndryshëm nga ata që i përkasin botës së tij “familjare”. Në fakt prezenca e kujdestares “shënon” mungesën e prindërve por në të njëjtën kohë e “riparon” atë.

Sigurisht alternimi i “prezencave” dhe i “mungesave” favorizon zhvillimin psikologjik dhe përgatit shkëputjen nga varësia me nënën që mund ta shprehim në mënyrë metaforike si “shkëputja nga kordoni ombelikal”.

Cfarë kërkohet nga një dado në kontaktin e parë?

1. Mosha
2. Eksperienca dhe përvoja e punës
3. Formimi shkollor
4. Statusi familjar
5. Dashuria për fëmijët
6. Aftësia për të qenë novatore, për të improvizuar lojra et.
7. Njohuria rreth kulturës së të ushqyerit të fëmijës
8. Njohuri rreth edukimit seksual të fëmijës
9. Njohuri rreth mënyrës së sjelljes me të
10. Njohuri rreth programit të veprimtarisë edukative-artistike

Cfarë duhet të kërkojë dadoja nga prindi në prezantimin e parë?

1. Të dhëna rreth moshës së fëmijës, ecurisë, sëmundjeve, alergjive, traumave, kafshëve shtëpiake etj.
2. Detyrimet që kërkon prindi ndaj jush, si raportimet etj.
3. Mënyrën e të ushqyerit, mbajtja e higjenës personale.

Burimi- Manual për shërbimet në familje; Shoqata “Në Dobi të Gruas Shqiptare”