Nisur nga eksperienca 4 vjeçare e agjencisë Ndihma+ në shërbimet e pastrimit profesional për ambiente familjare dhe biznesi, propozojmë disa sugjerime dhe ide pastrimi, në mënyrë që të thjeshtoni sa më shumë të jetë e mundur procesin e mirëmbajtjes së ambienteve tuaja, në lidhje me higjenën dhe pastërtinë. Sepse sado e thjeshtë të tingëlloj, pastërtia është gjithmonë një element i rëndësishëm lumturie. Të gjithë kanë nevojë dhe e pëlqejnë rregullin dhe pastërtinë, si në shtëpi edhe në ambiente pune. Prandaj përvishni mëngët dhe lehtësoni jetën me keshilla ekspertësh pastrimit si Ndihma +
- Përdorni një filtër kafeje ( nga ata të përdorurit që ngelen tek ekspresi shtëpisë, në mëngjes herët) për të pastruar pasqyra ose xhama
Kafeja është pa diskutim produkti më çudibërës në historinë e njerëzimit! Kjo sepse gjëja parë që na vjen ndërmend në mëngjes herët, edhe sikur në stad prej sonambuli, është gjithmonë kafeja. Dhe tani që zbulojmë se mund ta përdorim jo vetëm për të hequr gjumin por edhe papastëritë, arsyet përse ta keni në përdorim sa vijnë e shtohen. Mund të përdorni filtrin e kafesë për të pastruar sipërfaqe prej xhami ose pasqyre, në të gjitha rastet kur dëshironi të shmangni ose minimizoni përdorimin e detergjentëve me kimikate. Fërkojeni sipërfaqen me filtrin e përdorur të kafesë, sikur edhe në mëngjes herët, teksa në dorën tjetër rrufisni filxhanin e kafesë, lëreni për pak minuta dhe kalojini një leckë me ujë të pastër. Kështu, këto sipërfaqe nuk kanë përse të thërrasin për pastrimi, duke marr parasysh faktin që shpesh herë, dritaret lihen disi pas dore në pastrim.
- Pastroni mikrovalën me mënyrën më natyrale të mundshme : thjeshtë me ujë + limonë
Nëse mikrovala juaj po thërret për një dorë të mirë pastrimi, e lënë disi pas dore dhe e mbushur me mbetje ushqimesh, mos u frikësoni dhe mos e shtyni gjithmonë për nesër! Mjafton të mbushni një filxhan çaji me ujë dhe gjysmë lëng limoni, ta poziciononi sa më qëndrueshëm në mikroval. Vëreni në punë me temperaturë të larë për 1 – 2 min. Lëreni sërish përzierjen brenda mikrovalës së fikur edhe për 5 minuta të tjera, që avulli të bëj punën e tij dhe kaloni një sfungjerë të shpejtë në brendësi. Pastrimi do të jetë shumë i thjeshtë, natyral dhe limoni do të mbush jo vetëm objektin por edhe kuzhinën me aromë të mirë. E gjithë kjo procedurë pastrimi do t’ju marr thjesht dhe maksimumi 10 minuta kohë!
- Nëse doni të pastroni duke mos shpenzuar shumë dhe njëherësh, jeni të ndjeshëm karshi problemeve të theksuara të ndotjes së ambientit ( lokale dhe globale ), atëherë mos i hidhni sfungjerët e enëve! Riciklojini
Që do të thotë se në vend që të shpenzoni çdo muaj një sasi të mirë parash për të blerë sfungjere të të gjitha llojeve dhe përmasave për të pastruar enët, xhamat dhe tualetin; duke kaluar nëpër mend edhe alarmin global të ndotjes së planetit kryesisht nga plastika por edhe nga produktet e tjera me materiale që përmbajnë vështirësi të lartë në dekompozim ose shpërbërje, ju thjesht duhet të kërkoni një mënyrë të mirë për të higjenizuar sfungjerët që keni në përdorim. Mjafton t’i fusni në mikrovalë të lagur ( jo shumë të tejngopur me ujë ), në tempëraturë të lartë 1 – 2 min maksimumi dhe do të keni eleminuar mirë rreth 90 % të mikrobeve dhe baktereve që këto aksesorë pastrimi mbartin me shumicë. Sigurisht që në një pikë të caktuar do të duhet t’i ndërroni dhe të vini në përdorim sfungjerë të rinjë, por sa më shumë të përpiqeni të ricikloni materialet e pastrimit në shtëpinë tuaj, aq më mirë do të jetë si fillim për faturën dhe më gjërë për ambientin. Sepse po të përpiqemi të gjithë nga pak, diferenca do të fillojë të bëhet e dukshme.
- Ekziston një produkt natyral që bën çudira në pastrim! Ndër te tjera është i lirë dhe nëse do të dini ta përdorni siç duhet, mund të prodhoni vetë një detergjent pastrimi me kosto shumë të ulët dhe jashtëzakonisht të shëndetshëm për ambientin dhe familjen tuaj!
Po, po, mund të bëheni magjistarë dhe njëherësh innovator kur vjen fjala tek pastrimi sa më natyral dhe ekonomik. Po flasim për sodën e bukës! Soda bukës është një produkt jashëzakonisht natyralë dhe me përdorim të shumë anshëm. Kështuqë, sa herë vini re se detergjentët e pastrimit kanë përfunduar, thjesht përzjeni 4 lugë gjelle me sodë buke në 1 litër ujë të ngrohtë, përziejini mirë së bashku dhe mund të pastrono apsolutisht gjithçka brenda mureve të shtëpisë suaj. Dysheme, tualet, sipërfaqe mobiliesh, gjithçka, gjithçka mund të pastroni me këtë solucion jashtëzakonisht natyral, praktik dhe shumë higjenizues.
- Furça e dhëmbëve dhe kolinozi, nuk janë thjeshtë dhe vetëm për dhëmbët
Thuajse gjithmonë, sa herë na vjen radha për të ndërruar furcën e dhëmbëve, zgjedhim të flakërijmë të vjetrat dhe të blejmë sërish të reja. Ndërkohë që nëse të kalon ndonjëherë nëpër mend kolinozi, e vetmja gjë tjetër që të kujtohet më pas janë dhëmbët. Por ndonjëherë, mund të tregohemi më mendje hapur dhe të shikojmë më përtej përdorimit parësor të këtyre produkteve të zakonshme. Furçën e vjetër të dhëmbëve mos e hidhni poshtë, por përdoreni për të pastruar zonat më të vështira në tualet si psh kanalet midis pllakave ose cepat dhe këndet. Ndërkohë që kolinozi mund të përdoresh fare mirë për pastrim dhe zbardhim. Nëse atletet e bardha duken si të vjetëruara, filxhanët e kafesë nga konsumi kafeinës kanë marrë një shtresë të hollë ngjyrimi, bizhuteritë janë si të veshurat etj etj, të gjitha këto dhe më gjërë, nëse fërkohen mirë me një furçë të vjetër dhëmbësh dhe kolinoz, do të fitojnë gjithë shkëlqimin dhe zbardhimin për të cilin keni nevojë.
http://localhost/oldndihma/abonimet-mujore/
