Abonime mujore pastrimi

Pasi të na kontaktoni për herë të parë, do të duhet të marrim disa informacione rreth ambientit tuaj të banimit për të identifikuar skemën dhe ekipin më të përshtatshëm të pastrimit. Pyetjet tona më të shpeshta mund të jenë:

• Cila është adresa e saktë e shtëpisë suaj dhe datat e preferuara për pastrim?
• Sa është sipërfaqja e ambientit tuaj? Është një apartament, shtëpi priavate apo vilë?
• Sa është numri i dhomave, duke përfshirë dhomat e gjumit, tualetet, dhe hapësirat e tjera si p.sh sallon ndjenjeje, kuzhinë, verandë, studio,zyrë, bodrum, papafingo, apo dhoma të tjera?
• Sa banorë jetojnë në shtëpi? Keni fëmijë të moshës nën 3 vjec? Keni kafshë shtëpiake?
• Cfarë lloj dyshemeje keni? Parket, qilima, pllaka, tjetër? A keni ndonje sipërfaqe të vecantë të tilla si granit, mermer ?
• A ka ndonjë nga ambientet myk, lagështirë apo papastërti të grumbulluara?
• Si janë kushtet në shtëpinë tuaj? A është ajo një shtëpi e re? A e kini rimodeluar së fundmi? A ka pësuar ajo ndonjë dëmtim kohët e fundit? A keni pastruar kohët e fundit?
• Cilët detergjentë apo mjete pastrimi zotëroni? Do të blini ato që mungojnë apo jeni të interesuar që N+ të përdorë materialet e saj?
• Ka objekte apo sende me vlerë të vecantë në shtëpinë tuaj (piktura, vazo apo objekte të tjera dekorative, bizhuteri etj)?

Pasi ju t’i përgjigjeni këtyre pyetjeve, agjenti i N+ do ju sugjerojë një tarifë për pastrimin, do ju shpjegojë si do të kryhet pastrimi, do ju flasë shkurtimisht mbi ekipin dhe eksperiencën e tij si edhe do të bini dakord mbi nje date dhe orar.

Ndihma+ mund t’ju kërkojë të paguani një tarifë paraprake për rezervimin e kryer.

Ndihma Plus do ju rikujtojë me nje e-mail një ditë përpara datës së pastrimit duke ju dhënë edhe disa këshilla për përgatitjen e shtëpisë për pastrim. Nuk ka asgjë që ju duhet të përgatisni në vecanti, vetëm një përgatitje e vogël që ti lejojë ekipit tonë të jëtë sa më eficent në pastrimin e shtëpisë.

Në përfundim të shërbimit, ekipi i N+ do të plotësojë një formular për shërbimet e kryera dhe ju do të shprehni nivelin tuaj të kënaqësisë në këtë formular. Stafi N+ do t’ju dorëzojë kuponin mbi bazën e të cilës ju do të kryeni pagesën.

Nëse ju jeni të interesuar, ekipi i N+ mund t’ju sugjerojë një skemë të programuar pastrimi të shtëpisë suaj, e cila do të garantonte që shtëpia juaj të mbetej në cdo moment ambienti juaj i vërtetë i clodhjes.