Askush nuk ka qejf të merret me pastrimin, veçanërisht në ambinetin e banimit! Apsolutisht askush, sado maniake pastrimi ta konsiderosh veten ose sado kohë në disopozicion të zotrosh për ta realizuar siç duhet( dyshojmë shumë për kohën me bollëk në dispozicion në kohë frenetike ).
Por mirëmbajtja e higjenës dhe rregullit në familje, është një nga përgjegjësitë më të mëdha në jetën e një zonje ( dhe jo vetëm, e çdo pjestari në familje ). Midis dëshirës së mirë për të qenë sa më të pastër në shtëpi dhe pamundësive të kohës ( shumë e angazhuar në punë jashtë shtëpisë, fëmijët, familjarët, jeta jote personale dhe bashkëshortore etj ) duhen gjetur argumenta pozitiv për t’ju bindur ta konsideroni këtë shërbim si prioritet dhe jashtëzakonisht të domosdoshëm.
7 motivet kryesore dhe më të forta për t’ju bërë të lini mënjanë përtacinë ( dhe lodhjen e ditës ) kur vjen puna tek pastrimi janë :
- Është një proces që siguron shëndet
Ky është motive kryesor dhe më primar nga të gjithë të tjerët! Këtë e di edhe bufi, por shpesh ndryshe nga ç’gjejmë si shprehje klishe për të justifikuar lodhjen ose përtacinë, për ta marr më seriozisht pastrimin e shtëpisë, ky motiv duhet të qëndroj në mendje si kamban konstante alarmi. Mikrobet, parazitët, bakteret janë kudo nëpër shtëpinë tuaj, për shkak të aktiviteti jetik që banesa ka ( por edhe kur një banesë është e mbyllur dhe e pabanuar )! Janë kudo : në dysheme, në kuzhinë, në çarçafë, në dollap, në ajër! Përvishni mëngët minimalisht çdo funjavë dhe jepini shtëpisë një pastrim dhe dezinfektim të mirë gjeneral. Çdo ditë e mira do të ishte të programonit se cilat punë do të bëni gjatë javës. Sigurohuni që familja juaj të jete sa më e mbrojtur nga papastëritë!
- Pastërtia të bën më miqësor
Pavarsisht kohëve në të cilat duket se marrëdhëniet midis familjarëve dhe miqve po zbehen, në fund të ditës, gjithkush ka nevojë për pak qetësi dhe shoqëri të mirë, përveç rutinës së përditshme familjare. Për më tepër që tashmë të gjithë po ndërgjegjësohen se më shumë kohë shpenzohet me të tjerë me të cilët ke marrëdhënie profesionale, se sa familjare ose miqësore. Por një shtëpi e pa mirëmbajtur në higjenë çdo ditë, ju bën të rivlerësoni dëshirën për shoqëri të mirë! Pasi ju pushtojnë frikërat dhe ankthet e tipit : do mendoj se jam pisanjose; do ja thotë gjithëkujt për rrëmujën në shtëpinë time etj! Ndërkohë që po të merreni çdo ditë me pastrimin e shtëpisë, minimalisht nga 1 punë me radhë, do t’ju tingëlloj gjithmonë e më shumë e arritshme organizimi një mbrëmjeje mes miqsh në shtëpi, me një shishe verë të mirë dhe një antipastë për t’i shtuar lezetin muhabetit. Kështu dilni nga rutina, shlodheni dhe rindërtoni marrëdhëniet!
- Me pastrimin dhe mirëmbajtjen çdo ditë të ambientit të banimit, siguroni jetëgjatësi për paisjet shtëpiake
Që do të thotë se pastërtia është një nga elementët që ndikon që frigoriferi juaj të punoj më mirë dhe difektet të ndodhin më rallë. Që do të thotë se tosti / mikrovala në kuzhinën tuaj të mos ndërrohet dhe blihet e re çdo vit, duke fajësuar çmimin ekonomik me të cilin e keni blerë. Nëse hera – herës do ta pastroni nga thërrimet e bukës, jo vetëm do të merrni bukë të thekur më mirë mbrapsht, por nuk do t’ju duhet të shpenzoni çdo vit për një të re! Gjithashtu nëse ndiqni një program ditor pastrimit ku psh çdo të hënë ndërrohen çarçafët, çdo të martë dhe të enjte lahen mirë tualetet, çdo të shtunë kuzhina pastrohet me themel etj, do të minimizoni gjithmonë e më shumë kohën që shpenzoni me pastrimin gjeneral në shtëpinë tuaj.
- Konsiderojeni si një alternativë të mirë aktiviteti fizik
Pastrimi shtëpisë, pavarsisht sipërfaqes së banimit dhe ritmit të familjes ( ka familje shumë shkatarraqe dhe ku gjithçka pritet të bëhet veç nga duart e arta të mamit / nënës ), pastrimi është një aktivitet i mirëfilt fizik. Edhe sikur çdo ditë t’i kushtoni me patjetër 1 orë kohë. Ky aktivitet kërkon kapacitet fizik, teknik për të realizuar shpejtë dhe mirë shumëçka rreth e rrotull shtëpisë, çka përfshinë edhe të menduarin dhe vrarjen e mendjes. Kështuqë, nëse kuptoni që nuk gjeni kohë për palestër ose sporte, mbani parasysh se një pastrim me themel i shtëpisë ju siguron të humbisni thuajse të gjitha kaloritë e çokollatës që keni konsumuar në mëngjes, fshehurazi.
- Kurseni goxha kohë nëse bëni diçka çdo ditë me pastrimin e shtëpisë
Që do të thotë se edhe nëse koha programuar për pastrimin e apartamentit është në mbrëmje ( pasi keni rehatuar fëmijët përshembull ), mund të përvishni mëngët dhe të pastroni tualetin me themel nga fundi në krye edhe pse ditë jave! Gjithashtu nëse e ndani mendjen të përballeni siç duhet me një mal me rroba për tu larë – shplarë dhe hekurosur, pavarsisht lodhjes, do t’i kurseni shumë kohë vetes gjatë pastrimit gjeneral të fundjavës. Gjithçka është çështje e një organizimi të mirë për punët e shtëpisë dhe vullnetit për të mos i lënë shumë pas dore.
- Ndjeheni më pak në faj, nëse pastrimit i dedikoni kohë çdo ditë
Edhe nëse ditët e javës janë jashtëzakonisht të ngarkuara dhe shpesh e gjeni veten me shumë kunguj nën sqetull, sa herë vendosni të merrni pak kohë për shlodhje, veçanërisht mbrëmjeve, mendja juaj nuk do të jetë plotësisht e fokusuar tek filmi bukur në Netfix. Mendja juaj do t’ju bëj të përjetoni ndjesi faji që po privoheni nga gjumi ose nga sistemimi ambientit të shtëpisë dhe rrëmujës që me vetëdije e lini hera – herës të ndodh! Ndjesia e fajit, sado e justifikueshme nga një ditë e mbushur me tension mendor dhe lodhje fizike dhe pavarsisht faktit se keni bërë shumëçka brenda 24 orëve, nuk do t’ju lërë të pushoni të qeta, nëse mendoni se në tel keni rroba pa mbledhur dhe shiu sapo ka filluar!
- Pastërtia dhe rregulli në shtëpi rrisin kreativitetin dhe ndjesinë e paqes
Studime të ndryshme në vite, rreth zakoneve, ritualeve dhe sjelljes në familje, kanë arritur në përfundimin se pastrimi dhe mirëmbajtja konstante ditore e shtëpisë, sjellin efekte shumë pozitive që lidhen edhe me pjesën emocionale. Çka do të thotë se rregulli dhe pastërtia, aroma mirë e ajrit të lehtë në shtëpi, aroma detergjentëve ( ndonjëherë edhe e padurueshme – ato të profilit desinfektues ) të pastrimit, sigurojnë për gjithë familjen ndjesi qetësie, rehatie dhe madje i frymëzon ose nxit të jenë më të dashur, përkushtuar dhe kreativ me njëri – tjetrin. Pastërtia dhe rregulli në shtëpi të ngjallin gjithmonë dëshirën t’i gëzohesh jetës pikërisht në atë çast, duke organizuar një drekë të mirë, ku të gjithë mblidhen rreth tryezës dhe një mbrëmje të këndshme bashkëshortore me një gotë verë në duar, pasi fëmijët i ka zënë gjumi. Dhe sa më i lartë të jetë niveli pastërtisë dhe higjenës në shtëpinë tënde, aq më shumë do të të shijojnë kokoshkat dhe filmat në Netflix, sa herë zgjidhnin një mënyrë të thjeshtë argëtimit në shtëpi.
Pra, thënë thjeshtë fare : përvishni mëngët dhe punën e sotme mos e lini për nesër. Se nesër nga 1 punë ju bëhen 2….:)
Por nëse realisht keni 1001 arsye të vlefshme që ju pengojnë ta merrni shumë seriozisht pastrimin në shtëpi, kujtohu që sot ka zgjidhje për çdo nevojë.
Ndihma + është gjithmonë gati t’ju shërbej me profesionalizëm me pastrimin në familje.
Hidhini një sy abonimeve konstante të pastrimit me skuadrën tonë të papërtuar
http://localhost/oldndihma/abonimet-mujore/
Ose na kontaktoni në :
0693381880 / 0694607747
