E rëndësishme për fëmijën nuk është numri orëve që kalon së bashku me prindërit ( përveç 12 – 18 muajve të parë të jetës ) por mënyra sesi prindërit jetojnë dhe sillen me fëmijën.
Roli kujdestares së fëmijëve në shoqërinë tonë, dados, po bëhet gjithmonë e më i rëndësishëm dhe i kërkuar. Familjet po shfaqin hapur tendencë dhe prirjen për të përzgjedhur shërbime kujdestarie për fëmijë nëpërmjet dados, gjatë mungesës së prindërve për arsye profesionale apo çfardo lloj tjetër motivi. Dhe gjithmonë në këtë pikë, ajo çka vihet në dyshim, lidhet ngushtësisht me zhvillimin e personalitetit dhe inteleketit të fëmijëve që rriten dhe kujdesen nga dadot. Shpesh, nisur edhe nga mendësitë dhe mentaliteti, dadoja shikohet si ‘rivale’ e drejtëpërdrejtë e 2 figurave më me rëndësi në jetën e foshnjes : nënës dhe pa dsikutim gjysheve ( që shpesh herë me apo pa dëshirën e prindërve të rinjë, marrin menjëherë kontrollin, duke penguar edhe nëpërmjet ndihmës që ofrojnë, prindërimin e natyrshëm të individëve që sjellin në jetë fëmijën ).
Por nëse do të analizohet me gjakftohtësi dhe logjik të shëndosh, roli i dados në familje, mund t’ju rezultoj si një vendim dhe shërbim shumë pozitiv, pasi fut në botën e fëmijës një takim ‘të afërt’ me një person të ndryshëm nga ata që i përkasin rrethit familjar. Në fakt perzenca e kujdestares ‘shënon’ mungesën e prindërve dhe në të njëjtën kohë e ‘riparon’ atë. Sigurisht, alternimi i ‘prezencave’ dhe ‘mungesave’ favorizon zhvillimin psikologjik dhe përgatit shkëputjen nga varësia me nënën.
Prandaj, nëse shihini me interes shërbimin e kujdestarisë për fëmijë me dado, fokusohuni në të gjithë elementët pozitiv dhe negative të shërbimit. Është një alternativë e mirë pa diskutim, veçanërisht kur prindërit e rinjë nuk kanë ndihmë ose kur prindërit e rinjë dëshirojnë t’ju japin gjyrshërve vetëm kënaqësinë e të shijuarit të nipërve dhe mbesave, pa i ngarkuar me më shumë lodhje dhe stress.
Meqë aspekti pozitiv është gjithmonë i ditur, problematikat më të shpeshta që mund të hasen në punën si kujdestare fëmijësh janë :
- probleme të mundshme që lidhen me personin që do të ketë rolin e kujdestares, problem të tipit : emocionale, paqëndrueshmëri, paaftësi për të kuptuar në mënyrë intuitive nevojat e pashprehura të fëmijës etj
- probleme të tipit kur kujdestarja është e kualifikuar profesionalisht por është natyrë ‘e ftohtë’
- probleme që lidhen me mungesën e një marrëdhënie të qëndrueshme afektive. Që do të thotë ndërrimi i shpeshtë i dados, luan një rol negative dhe nuk është i përshtatshëm për ekuilibrin delikat prisko – fizik të fëmijës. Kjo është përgjegjësi e prindërve dhe marrdhënies që ata duhet të krijojnë me dadon, paraprakisht
- problematika që lindin në momentin kur futet figura dados në jetën e fëmijës, të cilët lidhen jo vetëm me moshën e fëmijës dhe stadin e tij të zhvillimit psiko – emotive – konjitiv, por edhe me momentin që përjetojnë prindërit dhe motivet që kanë përcaktuar përfshirjen e dados në përkujdesjen e fëmijës ( ndërhyrja e figurës së dados midis prindërve dhe fëmijës )
- probleme që lidhen me mungesën e formimit profesional të kujdestares ( synoni gjithmonë të punësoni dado të trajnuara në profilin e kujdestarisë për fëmijë, pavarsisht rolit të tyre si nënë në jetën private apo eksperiencave të mëparshme si dado ).
Disa nga elementët kryesor që diferencojnë një dado profesioniste janë :
- ka njohuri të mira për stadet e ndryshme të zhvillimit psiko – emotive të fëmijës
- ka njohuri psikologjike të mira mbi marrëdhënien i rritur – fëmijë
- ka njohuri të mira të psiko – dinamikës së marrëdhënieve familjare
- ka përgatitje të mirë mbi rëndësinë e lojës për fëmijët
Çfarë ka parasysh një dado profesioniste në shërbimin e kujdestarisë së dedikuar për fëmijë :
- përshtatjen e shërbimit në bazë të stadeve të zhvillimit të fëmijës
- ka kapacitet intelektual për të ndihmuar fëmijën në komunikim, kur e merr përsipër kujdestarinë e tij në një fazë kur fëmija sapo fillon të zhvillohet në këtë etap
- ka shumë të qartë të gjitha parametrat e zhvillimit të fëmijës dhe është e aftë të ofroj shërbimin e duhur duke analizuar këto parametra : psiko – motorike dhe fiziologjike.
- ka kapacitetin dhe intelektin e nevojshëm për të krijuar, ndërtuar dhe zhvilluar pozitivisht komunikimin dhe marrdhënien e saj të punës me prindërit e fëmijës
- ka aftësi të planifikoj një regjim ditor të mirë menduar dhe të dakordërsuar me prindin, kur i kërkohet, por edhe të përshtatet me lehtësi me rutinën dhe udhëzimet e familjes dhe prindërve, kur këta të fundit dëshirojnë të ruajnë këtë lloj raporti shërbimi.
Prindërit e rinjë dhe zonjat që shohin me interes përfshirjen në marrëdhënie pune në shërbime delikate dhe jashtëzakonisht me rëndësi, siç është kujdestaria për fëmijë, duhet të jenë të ndërgjegjshëm se kjo është një marrdhënie që, për të funksionuar siç duhet, kërkon disa element kryesore. Element që janë me rëndësi të veçantë dhe përgjegjësi e të dyja palëve :
- komunikimi drejtëpërdrejtë, me etik dhe respekt ( reciprok )
- korrektësia në ofrimin e shërbimit nga ana dados dhe në pagesë nga ana familjes
- të qënët të sinqertë dhe të qartë me njëri – tjetrin që në fillim të marrdhënies së shërbimit, për një të mirë të përbashkët që është fëmija
- përpilimin e një kontrate shërbimi të dakordërsuar dhe firmosur me të dyja palët ( prindërit – dado )
- mirëkuptimi për të zgjidhur debatet ose keqkuptimet me qetësi, duke u përpjekur të zgjidhen ngërçet në marrdhënien midis prindërve dhe dados, sa herë lindin; në mënyrë që të shkarkohet tensioni / stresi dhe vëmendja e të dyja palëve të jetë gjithmonë e foksuar tek fëmija
- vlerësimi reciprok midis palëve, ruajtja e distancave
Procesi kërkimit dhe përzgjedhjes së dados idealë për fëmijën tuaj, është një proces në dukje i thjeshtë, por në të vërtetë është i ndërlikuar dhe mbi të gjitha kërkon shumë kohë dhe energji. Sigurisht që e mira është që prindi të përfshihet sa më shumë të jetë e mundur në çdo etap të gjetjes së dados më të përshtatshme për fëmijën, por nëse do të bashkëpunoni me agjenci të mirëfillta shërbimi ndërmjetësimit për kujdestari për fëmijë, siç është Ndihma +, gjithçka do të jetë më e lehtë. Gjetja e dados nëpërmejt agjencisë është një shërbim i personalizuar, sipas nevojës së familjes dhe fëmijës, duke ja besuar të gjithë procedurën agjencisë, ju shmangni humbjen e kohës dhe arrini direkt në fazën e intervistimit dhe përzgjedhjes së dados më të përshtatshme, pasi të gjitha kandidaturat janë filtruar fillimisht nga ana agjencisë.
Kontakte : info@localhost ; Mob 0693381880 / 0694607747
Burimi : “Manual për shërbimet në familje” , Sevim Arbana – Autore
