Nëse të marrit e pak kohe për veten, për të pushuar nga periudha të gjata e stresuese detyrimesh dhe përgjegjësish, është një iniciativë që të bën të ndjehesh në faj ose nënë e keqe, tashmë nuk duhet të të bëj përshtypje! Studime të ndryshme psikologjike arrijnë në të njëjtin përfundim : femrat që janë bërë nëna, duhet të marrin një periudhë pushimi, qoftë edhe për pak ditë, pa fëmijët, të paktën një herë në vit!
Psikologët e Cornell University në New York, konfirmojnë idenë se është shumë e rëndësishme që gratë me fëmijë të gjejnë me patjetër kohë për t’ja dedikuar vetes, nisur nga fakti se kur gruaja bëhet nënë, kalon automatikisht në fund të listës së prioriteteve, thuajse natyrshëm.
Gjithkush ka nevojë për pak kohë të lirë dhe kjo kohë bëhet akoma më e çmuar pasi femra merr rolin më të rëndësishëm në jetë, të qenit nënë! Këtij sugjerimi i bashkangjiten edhe mjekët psikiatër të Sincronia Institution në Argjentinë, duke i mëshur gjithmonë e më shumë rekomandimit të të gjeturit të kohës për pushim për nënat.
Psikologët dhe mjekët psikiatër anë e mbanë botës, rekomandojnë gjithmonë e më shumë idenë e kohës për pushim për nënat dhe partnerët e tyre. Kohë e mirë për tu shpenzuar në çift, duke risjell edhe një herë në vëmendje rëndësinë e të kujdesurit të shëndetit mendor dhe emcioional.
Prandaj nëse zgjidhni të shpenzoni pak ditë larg fëmijëve, nuk duhet të ndjeheni më në faj dhe aq më tepër nuk duhet të lejoni askënd t’ju vërë në dukje se kjo nevojë jetike, është egoizëm! Marrja përsipër e sjelljes në jetë të fëmijëve dhe kujdesi në rritjen e tyre është po aq e rëndësishme sa kujdesi ndaj shëndetit emocional dhe mendor. Gruaja e vendos shpesh veten në fund të listës, veçanërisht kur bëhet nënë. Fenomeni pas ardhjes në jetë të fëmijës, ku gruaja nis ta konsideroj veten nga fillimi deri në fund vetëm mami, duhet të zbutet dhe të modifikohet ndjeshëm. Sigurisht që në jetë, duhen marrë përsipër përgjegjësi dhe dashuri të mëdha, siç është ajo e prindërve karshi fëmijëve. Por nëse ju si nënë nuk arrini të kujdeseni si fillim për shëndetin tuaj emocional dhe mendor, kujdesi për fëmijët, pavarsisht sakrificave, do të lërë shumë për të dëshiruar. Të krijuarit të kohës për pushim për nënat, larg fëmijëve, nuk është as egoizëm dhe as prindërim i keq! Është një mësim jete, ku ju me kujdesin që ofroni ndaj vetes, ndikoni fuqishëm tek të vegjlit duke i mësuar në praktikë rëndësinë e të respektuarit të vetes fillimisht si individ më vete!
Prandaj herën tjetër që do të organizoni një udhëtim në çift për pak ditë larg fëmijëve, të jeni të sigurta se po bëni një veprim të zgjuar dhe tërësisht të bazuar në dashuri dhe kujdesin për familjen. Nëse nuk ju ka kaluar ndonjëherë më parë në mend një alternativë e till, mobilizoni gjyshërit ose dadot dhe programoni pak ditë pushimi apsolut për ju dhe bashkëshortin tuaj! Ideale do të ishte që mami të nisej në pushime me mikesha, por në disa raste, ja vlenë të organizoheni edhe me partnerin!
