Është jashtëzakonisht shumë e nevojshme dhe me rëndësi ideja e të mbajturit në aktivitet ose ‘të zënë në diçka’ fëmijët gjatë pushimeve verore. Duke krijuar mundësi për aktivitete argëtuese dhe mësimore gjatë sezonit të verës, sigurohemi t’i mbajmë fëmijët aktiv me përvetësimin e dijeve edhe në periudhën e gjatë të pushimeve verore. Këto aktivitete duhet të përzgjidhen me kujdes nga prindërit dhe të jenë tërësisht në funksion të fëmijës për t’i krijuar mundësi të përvetësoj dije të reja.
Sa herë pushimet verore afrojnë, fëmijët janë jashtëzakonisht të lumtur pasi mendojnë se nuk do të kenë të bëjnë për një farë kohe me librat, të mësuarin, detyrat, provimet etj. Meqë ata janë mësuar të ndjekin një rutinë ditore të mirëpërcaktuar gjatë përiudhës së shkollës, fëmijët janë shumë të lumtur se më në fund do të gjejnë kohë të lirë për ta shpenzuar sipas dëshirës. Por ndodh që pas disa ditësh gjithë liri dhe kohë të lirë, të mërziten dhe ta shprehin këtë duke filluar të bëhen disi më pak të dëgjueshëm karshi rregullave dhe sugjerimeve të prindërve.
Prandaj sfida më e madhe gjatë verës është të arrihet të mbahen të angazhuar me aktivitete të ndryshme. Këto aktivitete do të rezulojnë të suksesshme nëse janë pozitive dhe të kombinuara mirë me argëtimin. Më poshtë do të gjeni disa ide se si mund ta bëni verën e fëmijës tuaj më të bukur dhe argëtuese në të njëjtën kohë, pa hequr dorë nga të mësuarit :
- Aktivitete të tipit ‘kamp veror’
Përfshijeni fëmijën në qëndra aktivitetesh multifunksionale. Kanë program të gërshetuar me mësimdhënie dhe argëtim njëkohësisht. Për më tepër është një mundësi e mirë për të bërë miq të rinjë dhe për tu socializuar më moshatarët e tyre.
- Organizoni udhëtime familjare në fundjavë
Jo dosmodoshmërisht duhet të shkoni larg apo të paguani shtrenjtë për një fundjavë argëtuese në familje. Mjafton të organizoni një piknik në malin më të afërt të qytetit, një vizitë në muze ( në të cilin ka të ngjarë që edhe vetë prindërit të kenë shkuar kur ishin fëmijë ), në një park publik ccdo mbasdite për të luajtur të gjithë së bashku, në një zonë të afërt fshati, ku fëmija mund të ketë shumë për të mësuar! Çdo destinacion është ideal nëse gjeni kohën e duhur për t’ju përkushtuar fëmijëve dhe familjes totalisht përshembull çdo të dielë!
- Përfshijimi fëmijët në kurse kreativiteti
Cili fëmijë nuk ka dëshirë të pikturoj nga pak? Prandaj edhe nëse nuk kanë ndonjë interes kushedi çfarë për pikturën apo vizatimin, ideja e të ndjekurit të një kursi pikure, mund të tingëlloj tërheqëse në imagjinatën e tij. Kjo nëse prindërit do të dinë t’ja përcjellin gjithë entuziazëm, duke vënë në dukje idenë se fëmija do të jetë në gjëndje pas këtij kursi të pikturoj akoma më mirë! Gjithashtu është një aktivitet shumë kreativ, i ndihmon të zhvillojnë imagjinatën dhe perceptimet. Jo domosdoshëmrisht ky kurs do t’i bëj artis edhe në rastet kur vizatimin e kanë shumë qejf ose për më tepër kanë talent. Por do t’i ndihmojë të pranojnë ide dhe iniciativa të reja gjithashtu!
- Aktivitet sportive sa më shumë të jetë e mundur
Kjo do të thotë se ata nuk duhet të lihen të lirshëm të enden nëpër lagje gjithë ditën e perëndisë! Por fare mirë mund ta përfshini në kurse profesionale sipas grupmoshës në futboll, basketball, not! Me ardhje ne verës, një sërë institucionesh publike dhe private ofrojnë paketa të ndryshme për aktivitete sportive shumë të shëndetshme dhe të rekomandueshme si përshembull noti! Organizojni fëmijët në grup, në skuadër ose në ditët tuaja pushim për një garë noti në pishinë ose bregdet.
- Përfshijini fëmijët në aktivitetin ditor të mirëmbajtjes dhe pastrimit të shtëpisë
Tani që vjen vera dhe kanë më shumë kohë të lirë në dispozicion, fëmijët nuk mund të sajojnë më asnjë justifikim për të mos të rregulluar krevatin ose dhomën e tyre, përshembull. Për më tepër, fëmijët kanë qejf të ndjehen të rëndësishëm, të marrin përsipër përgjegjësi dhe të përpiqen të bëjnë gjëra për të cilat, më parë janë vënë në dyshim. Prandaj ata duhet të ngarkohen me detyra të thjeshta punësh në shëpi si përshembull të vendosini rregull në dollapine e tyre të rrobave, të sisemojnë librat, të pastrojnë lodrat ose këndin e tyre të lojës, të ndihmojnë në shtrimin dhe heqjen e tryezës etj. Këto aktivitete të thjehshta ditore do t’i mbajnë të angazhuar dhe do t’i bëjnë të mësojnë rëndësinë e përgjegjësisë dhe mirëmbajtjes së ambientit familjar. Gjithashtu përfshirja në punët e shtëpisë i mëson fëmijës diçka në lidhje edhe me disiplinën.
- Shmangni sa më shumë të jetë e mundur qëndrimin përpara televizorit ose smartphonëve
Kjo është ajo çka fëmijët tuaj planifikojnë të bëjnë më së shumti gjatë pushimeve verore. Të qëndrojnë gjatë në shtratë, të shohin sa më shumë të jetë e mundur televizor ose të qëndrojnë gjatë përpara lojërave kompjuterike ose smartphonëve. Të gjitha aktivitete passive dhe aspak të shëndetshme për shëndetin mendor dhe fizik të fëmijës tuaj. Prindërit duhet të jenë të kujdesshëm jo vetëm në aspektin e të ushqyerit shëndetshëm të fëmijëve, por edhe tek mirëqënia e tyre emocionale dhe shëndetësore. Madje fokusi më së shumti duhet përqëndrur në aktivitete që i ndihmojnë të zhvillohen emocionalisht dhe mendërisht.
Këtë verë, nëse i kushtoni vëmendje maksimale angazhimit të fëmijëve gjatë pushimeve, për të qenë aktiv dhe energjik, të përfshirë në aktivitete sociale dhe argëtuese, do të arrini të shihni qartë ndryshimin në kohën kur duhet t’i rikthehen sërish shkollës. Gjithçka është më e lehtë nëse i kushtoni rëndësi interesave dhe prirjeve të fëmijës tuaj, do t’ju udhëzojnë që të gjeni aktivitetet e përshtatshme për natyrën e tij dhe njëherësh do të ndihmoni të shpenzojë një sezon veror fantastik, gjithmonë në kërkim të së resë, zhvillimit dhe argëtimit.
Nëse do të keni nevojë për ndihmë gjatë sezonit të verës me shoqërimin e fëmijëve tuaj në aktivitete të ndryshme argëtuese, sportive ose mësimore, Ndihma + ju gjendet pranë duke ju asistuar të gjeni një kujdestare të përshtatshme për ta shoqëruar dhe mbikqyrur fëmijën gjatë ditës. Na kontaktoni në rrjetet tona sociale si Facebook, Instagram, LinkedIn ose na shkruani në adresën elektronike info@localhost. Mund të na telefononi edhe në numrat 0693381880 / 0694607747! Mos i privoni fëmijët nga një verë fantastike e mbushur me aktivitete dhe argëtim vetëm sepse ju si prind e gjeni veten shumë të ngarkuar profesionalisht!
Ndihma + ju gjendet gjithmonë pranë për t’ju lehtësuar jetën!
